248 TESTAMENTS ENREGISTRÉS AU PARLEMENT DE PARIS (488)

Item, à povres filles à marier, à distribuer par ses diz executeurs, ainsi que bon leur semblera, vint frans.

Item, à ses deux filloles, c'est assavoir, à Jehannette, fille de Jehan de Suresnes, et à Jehannette, fille de Raoulet Foselin, porteur d'eaue, ». chascune d'icelles deux frans.

Item, à Lyegaire, femme Jehan du Pillé, dix frans et un de ses blanches.

Item, à Agnesot et Marion, filles de la dicte Lyegaire, à chascune n frans.

item, à povres femmes vesves, à distribuer par ses diz executeurs, jusques au nombre de xm, quatre livres Parisis.

item- à la contrarie du Pere, du Filz et du saint Esperit, et à la contrarie de la Concepcion de Nostre Dame, fondée en îa dicte eglise de Saint Severin, à chascune xxim solz Parisis.

Item, aux confraries de Nostre Dame de Boulongne, de Saincte Katherine du Val des Escoliers, de Saint Michiel, de Saint Mathurin, toutes fondées à Paris, et à la contrarie de Nostre Dame des Champs lez Paris, à chascune vi solz Parisis.

Item, voult et ordena un anué estre fait et dit à pain, à vin et à chandelle de cire, chascun jour, par Ies freres religieux Celestins de Paris, pour le salut et remede de son ame, et pour ce faire Ieur laissa xl frans. Et pour ce que les diz religieux Celestins n'ont pas accoustumé que l'en face ainsi, chascun jour, en leur eglise, comme l'en fait es autres eglises et parroisses de Paris, .elle voult que ses diz executeurs et les diz religieux advisent comment l'offrande des diz pain, vin et chandelle se fera le plus priveement et secrètement que faire se pourra, et tout à une foiz, se mestier est, et à ce qui sera advisé par ses diz executeurs, ce que pourra couster la dicte offrande de pain, de vin et de chandelle de cire, elle voult qu'il soit paié des biens de son execucion, oultre et par dessus les diz quarante frans, et baillie aus diz religieux Celestins.

Item, elle laissa aux diz religieux Celestins pour une foiz la somme de xxv frans, pour prier Dieu pour le salut de son ame.